Alfredo Lim, gusto ng recount ng boto sa Maynila

Hinihimok ni dating Manila Mayor Alfredo Lim ang Commission on Elections o Comelec na magsagawa ng recount sa mga boto sa mayoralty race sa Lungsod ng Maynila.

Ayon kay Lim, sa darating na Miyerkules (May 18) ay maghahain ng petisyon ang kanyang kampo para igiit ng recount.

Si Lim ay tinalo ni incumbent Manila Mayor Joseph Estrada sa nakalipas na May 09 elections.

Aabot lamang sa 2,600 votes ang lamang ni dating Pangulong Erap kay Lim.

Sinabi ni Estrada na nagulat siya sa kanyang reelection, lalo’t may mga nasagasaan siya dahil sa pagtaas ng real property taxes sa lungsod.

Nauna nang nanawagan si Lim ng recount, sa pamamagitan ng Change.org.

Sa RECOUNT Manila Votes 2016, pinalalagdaan ni Lim sa mga netizen ang isang petisyon para mapalakas ang kanyang hirit na magkaroon muli ng bilangan sa botohan.