Madiin ang pagtanggi ni Ruel Ricafort na pag-aari niya ang TikTok account kung saan napanood ang balak na pagpatay kay presidential aspirant Bongbong Marcos.
Sumuko sa National Bureau of Investigation (NBI) si Ricafort kasama ang kanyang abogado para pabulaanan na siya ang nagbanta sa dating senador.
“Actually yung account pong iyon hindi po akin yun,” sabi ni Ricafort, na sinabi din na kinuha ang kanyang profile picture sa kanyang Facebook account at ginamit ito sa paggawa naman ng TikTok account.
Wala din aniya siyang ideya kung sino ang gumawa ng TikTok account gamit ang kanyang pangalan.
Dagdag pa niya nalaman na lamang niya sa ibang tao na pinagbantaan niya si Marcos.
Hinamon naman ni NBI Deputy Dir. Ferdinand Lavin si Ricafort na isumite sa kanila ang lahat ng mobile phones at gadgets para masuri sa pamamagitan ng forensic examination.