Lebel ng tubig sa Angat dam, nabawasan sa magdamag

Bumaba ang antas ng tubig ng Angat dam at iba pang dam sa Luzon sa nakalipas na magdamag.

Ayon sa PAGASA Hydrometeorology Division, nasa 196.97 meters ang antas ng tubig ng Angat dam bandang 6:00, Biyernes ng umaga (February 4).

Mababa ito ng 15.03 meters kumpara sa Normal High Water Level na 212 meters.

Nabawasan din ang lebel ng tubig sa La Mesa dam (78.99 meters); San Roque dam (257.92 meters); Pantabangan dam (200.81 meters); Magat dam (178.40 meters); at Caliraya dam (286.30 meters).

Nanatili naman sa 98.70 meters ang antas ng tubig sa Ipo dam.

Samantala, nadagdagan ang lebel ng tubig sa Ambuklao dam (742.63 meters); Binga dam (572.09 meters).