Ganito ang gustong sistema ni Davao City Mayor Rodrigo Duterte sa kaniyang gabinete.
Sa press conference sa Marco Polo Hotel sa Davao, sinabi ni Peter Laviña, tagapagsalita ni Duterte na nais ni Duterte ang balance at well-represented na gabinete gaya ng kay Prime Minister Justin Trudeau ng Canada. “Ideally we wanted to follow Prime Minister Trudeau’s Cabinet in Canada…We are looking forward to a balanced Cabinet,” sinabi ni Laviña.
Kabilang sa mga sektor na ikinukunsidera ni Duterte sa kaniyang gabinete ang mga indigenous people, kabataan at kababaihan.
Una rito, hiniling ng kampo ni Duterte ang tulong ni Senator Pia Cayetano para sa pagtukoy at pagpili ng women leaders na maaring maitalaga sa iba’t ibang pwesto sa pamahalaan.