22,014 na bagong COVID-19 recoveries, naitala sa Pilipinas

Unti-unti na ang pagbaba ng napapaulat na bagong kaso ng Coronavirus Disease o COVID-19 sa Pilipinas.

Sa huling datos ng Department of Health (DOH) bandang araw ng Huwebes (January 27), pumalo na sa 3,493,447 ang confirmed cases ng nakakahawang sakit sa bansa.

Sa nasabing bilang, 226,521 o 6.5 porsyento ang aktibong kaso.

Nasa 18,191 ang bagong napaulat na kaso ng COVID-19 sa nakalipas na 24 oras.

Nasa 74 naman ang napaulat na nasawi.

Dahil dito, umakyat na sa 53,736 o 1.54 porsyento ang COVID-19 related deaths sa bansa.

Ayon pa sa DOH, 22,014 naman ang gumaling pa sa COVID-19.

Dahil dito, umakyat na sa 3,213,190 o 92.0 porsyento ang total recoveries ng COVID-19 sa Pilipinas.