Diretsahang sumagot si Presidential aspirant Panfilo “Ping” Lacson sa mga katanungan ng television host na si Boy Abunda.
Sa “The 2022 Presidential One-On-One Interviews” sa YouTube, tinanong ni Abunda ang senador kung bakit siya ang dapat iboto sa nalalapit na 2022 National and Local Elections.
“I’ll be a bit arrogant. I’m the most qualified, I’m the most competent, I’m the most experienced,” sagot nito.
Simple naman ang naging sagot ni Lacson kung bakit hindi dapat iboto sina Vice President Leni Robredo, Senator Manny Pacquiao, dating Senador Ferdinand “Bongbong” Marcos Jr., at Manila Mayor Isko Moreno.
“Kasi tumatakbo akong presidente, Boy,” ani Lacson.
Unang sumalang si Lacson sa one-on-one interview ni Abunda.
Ilalabas din ang video ng panayam ni Abunda sa iba pang presidential candidates sa mga susunod na araw.