Para maging produktibo at panlaban sa bagot sa kanilang isolation period, hinimok ni Senator Richard Gordon ang mga kakauwing OFWs na sumali sa online courses na inaalok ng Technical Education and Skills Development Authority (TESDA).
Sinabi ni Gordon walo hanggang 40 oras ang ilan sa mga online courses ng TESDA.
“We encourage OFWs to spend their quarantine or isolation by enrolling in the TESDA’s online courses as there are 60 or more to choose from, which could help them open new opportunities upon completion of quarantine,” sabi pa nito.
Sinabi nito na milyon-milyong Filipino na ang nahikayat na makibahagi sa mga kurso ng TESDA sa pagsimula ng pandemya dulot ng COVID 19.
Kasabay nito ang panghihikayat ni Gordon sa mga nagbalik na OFWs na tapusin o kumpletuhin ang itinakdang quarantine period.