240 pang pulis, nagpositibo sa COVID-19; 10 gumaling

Nasa 240 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang sa araw ng Linggo (January 9), 43,288 na ang confirmed COVID-19 cases sa hanay ng pambansang pulisya.

Sa nasabing bilang, 1,455 ang aktibo pang kaso.

10 namang pulis ang gumaling sa nakakahawang sakit.

Dahil dito, 41,708 na ang total recoveries sa hanay ng PNP sa naturang sakit.

Wala namang bagong napaulat na nasawi sa PNP dahil sa COVID-19.

Bunsod nito, 125 pa rin ang COVID-19 related deaths sa pambansang pulisya.