St. Luke’s Medical Center, nag-abiso ukol sa ‘longer than usual’ na paghihintay sa ER dahil sa dami ng pasyente

Nag-abiso ng St. Luke’s Medical Center (SLMC) sa publiko hinggil sa ‘longer than usual’ na paghihintay sa kanilang Emergency Rooms.

Ayon sa pamunuan ng ospital, dagsa ang mga pasyenteng nais magpakonsulta sa COVID-related symptoms sa SLMC sa Quezon City at Global City.

“We have dedicated Emergency Room areas for COVID and non-COVID cases for everyone’s safety,” saad nito.

Siniguro naman ng SLMC na ginagawa nila ang makakaya upang makapagbigay ng atensyong medikal sa lahat ng pasyente.

Para sa non-COVID cases, nananatiling bukas ang parehong ospital para makapag-accommodate ng admission at outpatient procedures at iba pang serbisyo.

Apela naman ng SLMC sa publiko, huwag magpakampante at istriktong sundin ang health protocols upang maiwasang mahawa ng COVID-19.