Ito ay base sa ordinansa ng Quezon City na isinulong nina Councilors Eric Medina, Franz Pumaren, Donny Matias at Jun Ferrer.
Ayon sa resolusyon, papayagan lamang na makalabas ng bahay ang mga hindi bakunado kung papasok sa trabaho, bibili ng pagkain o medical services.
Bawal silang pumasok sa mga establisyemento para mag-dine-in o mamasyal.
Kinakailangang sumailalim sa COVID-19 test ang mga hindi bakunadong manggagawa kada dalawang linggo at sasagutin na nila ang gastos nito.
Binibigyan naman ng Quezon City Council ng pagkakataon ang mga hindi bakunadong empleyado na magpabakuna sa loob ng isang buwan.
“The City Council included a grace period in recognition of the significant expense of a COVID test. We also recognize that many unvaccinated persons come from our depressed communities,” ayon kay Quezon City Vice Mayor Gian Sotto.
Exempted naman sa biweekly COVID-19 test ang mga mannggagawa na mayroong medical condition.
Nakasaad sa ordinansa na papatawan ng multa ng P500 para sa first offense ang sinumang lalabag dito habang P1,000 ang multa sa second offense at P5,000 sa third offense at cancellation ng business permit.
Sinabi naman ni Quezon City Mayor Joy Belmonte na naiintinidhan nila na dagdag-pasanin na naman ito para sa ordinaryong mamamayan pero mas mabuti na ang mag-ingat.
“We recognize the inconvenience this Ordinance may place on some people. However, we must remember that lives are at stake. We all must support the national government’s urgent call for a vaccine mandate, especially given the new surge in cases. We appeal to those not yet vaccinated to get their shots as soon as they can. Also, we encourage those who have not yet gotten their booster shots to do the same,” pahayag ni Belmonte.
Nabatid na ang ordinansa ng Quezon City Council ay alinsunod sa resolusyon na inilabas ng Metro Manila Council.