Sta. Rosa, Laguna niyanig ng lindol; Intensities, naitala sa mga karatig-bayan

Tumama ang magnitude 3 na lindol sa Sta. Rosa, Laguna Lunes ng gabi.

Ayon sa Phivolcs, namataan ang episentro ng lindol sa layong 2 kilometers Southeast ng Sta. Rosa dakong 7:09 ng gabi.

Walong kilometro ang lalim ng lindol at tectonic ang origin.

Bunsod nito, naitala ang mga sumusunod na intensities:
Intensity 3 – Alaminos, Sto. Tomas, San Pablo at Los Banos, Laguna
Intensity 2 – Calamba, Laguna; Talisay, Batangas

Instrumental Intensities:

Intensity 3 – Muntinlupa City
Intensity 2 – Carmona, Cavite; Makati City
Intensity 1 – Tagaytay City; Bacoor City; Las Pinas City

Ayon sa Phivolcs, walang napaulat na pinsala sa mga nabanggit na lugar.

Tiniyak din nito na walang inaasahang aftershocks matapos ang pagyanig.