Napanatili ng Quezon City ang pagiging pinakamayamang local government unit sa buong bansa.
Ito ay matapos makapagtala ang Quezon City ng P452.333 bilyong total assets noong 2020.
Ayon kay Quezon City Mayor Joy Belmonte, ang pagsusulong ng good governance efforts ang naging susi para masungkit ang parangal.
Mula sa P96.423 bilyon noong 2019, tumaas ng 369 percent 0 P355.91 bilyon ang total asset ng Quezon City government base sa “2020 Annual Financial Report on Local Government” ng Commission on Audit.
Dahil dito, naungusan ng Quezon City ang Makati City na nakapagtala lamang ng P238.464 bilyon.
“Donated lands with transfer certificate of titles, deed of donations and Sangguniang Panlusod Resolutions were identified during a robust inventory conducted by the City’s General Services Department and valued based on the latest zonal valuation of the Bureau of Internal Revenue,” pahayag ni Belmonte.
“Through the City’s good governance efforts, we were able to properly reflect assets owned by Quezon City. The assets of QC were already there for the past years. They were just not properly recorded and recognized,” dagdag ng Mayor.
Kabilang sa mga naimbentaryo ng lokal na pamahalaan ang fixed assets gaya ng infrastructure, buildings, kalsada at iba pa.
Pinuri din ni Belmonte ang mga empleyado ng city government.
“We also thank our government workers who have made the ultimate sacrifice during this pandemic. If not for everyone’s help, we won’t be able to accomplish this milestone,” pahayag ni Belmonte.
Pasok din sa top 10 wealthiest cities ang Manila (P76.548 bilyon), Pasig City (P49.511 bilyon), Cebu City (P34.754 bilyon), Mandaue City (P32.571 bilyon), Taguig City (P30.682 bilyon), Davao City (P23.664 bilyon), Caloocan City (P22.203 bilyon), at Zamboanga City (P19.775 bilyon).