Pitong milyong katao target mabakunahan kontra COVID-19 sa ikalawang round ng Bayanihan, Bakunahan

Target ng pamahalaan na bakunahan ang may pitong milyong katao sa ikalawang round ng Bayaniha, Bakunahan na ikakasa sa Disyembre 15 hanggang 17.

Ayon kay Health Secretary Francisco Duque, ito ay para makamit ng pamahalaan ang 54 milyong target na fully vaccinated na mga Filipino bago matapos ang taong kasalukuyan.

Sa ngayon, nasa 38.7 milyon ang fully vaccinated sa Pilipinas.

Matatandaang sa unang round ng Bayanihan, Bakunahan, umabot sa 10.2 milyon ang nabakunahan noong Nobyembre 29 hanggang Disyembre 3.