Tie ang resulta ng mayoralty race sa Bocaue, 2 kandidato posibleng mag-toss coin

Posibleng mag-draw lots o di kaya ay mag-toss coin ang dalawang kandidato sa pagka-Mayor sa bayan ng Bocaue sa Bulacan.

Ito ay matapos kapwa makakuha ng 16,694 na boto sina mayoralty candidate Joni Villanueva at Jim Valerio.

Si Joni Villanueva ay kapatid na babae ni incumbent Bocaue Mayor Eduardo “Jon-Jon” Villanueva, anak ni JIL leader Bro. Ediie Villanueva at asawa ni Cibac Party list Rep. Sherwin Tugna.

Pagpapasyahan ngayon ng Comelec Municipal Board of Canvassers ng Bocaue Bulacan kung paano ang prosesong gagawin matapos makakuha ng parehong boto ang dalawang kandidato.