Hindi nagpapatinag si Aksyon Demokratiko presidential aspirant at Manila Mayor Isko Moreno sa pag-atras sa presidential race ni Senador Christopher Lawrence “Bong” Go.
Sa ambush interview sa Talavera, Nueva Ecija, sinabi ni Mayor Isko na nanatili siyang naka- focus sa pangangampanya.
Patuloy aniya ang kanyang paglapit sa tao para makuha ang boto sa 2022 presidential elections.
Sinabi pa ni Mayor Isko na hindi niya ititigil ang pag-iikot at pakikipag-usap sa tao.
Una nang umatras si Go sa pagtakbong pangulo ng bansa para hindi na mahirapan si Pangulong Rodrigo Duterte.
Tumatakbong bise presidente ang anak ni Pangulong Duterte na si Davao City Mayor Sara Duterte at ka-tandem si dating Senador Ferdinand “Bongbong” Marcos Jr.