Aktibong kaso ng COVID-19 sa PNP, bumaba pa

Nasa dalawa ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang sa araw ng Sabado (November 27), 42,189 na ang confirmed COVID-19 cases sa hanay ng pambansang pulisya.

Sa nasabing bilang, 66 ang aktibo pang kaso.

Siyam namang pulis ang gumaling sa nakakahawang sakit.

Dahil dito, 41,998 na ang total recoveries sa hanay ng PNP sa naturang sakit.

Wala namang bagong napaulat na nasawi sa PNP dahil sa COVID-19.

Bunsod nito, 125 pa rin ang COVID-19 related deaths sa pambansang pulisya.