Nagkaproblema ang vote counting machine sa Ilawod Elementary School sa Daraga Albay.
Alas 9:45 ng umaga nang masira ang VCM at ayon kay Janice Bintancur, Chairmanperson ng Board of Election Inspector (BEI), itinawag na nila sa Comelec ang problema para hilingin na mapalitan ang makina.
Dahil sa mahaba na ang pila, nagpasya ang BEI na pabotohin na rin ang mga botante.
Gayunman sa halip na ipasok sa VCM ang mga balota inilalagay na muna ang mga ito sa kahon.
Ang ginagamit na kahon para paglagyan ng balota ang siyang pinagsidlan ng VCM.
Aabot sa mahigit 700 botante ang nakarehistro sa ilawod Elementary School.
MOST READ
LATEST STORIES