Poe tinanghali ng pagdating sa polling precinct; Escudero, bumoto na sa Sorsogon

Pasado alas 11:00 na ng tanghali dumating sa Sta. Lucia Elementary School si presidential candidate Grace Poe.

Taliwas ito sa naunang schedule na ipinadala media na oras ng pagboto ni Poe na pagitan ng alas 9:00 hanggang alas 10:00 ng umaga.

Dahil dito, mahabang-mahaba na ang pila sa polling precinct na pagbobotohan ni Poe nang siya ay dumating.

Dumaan pa kasi ang senadora sa puntod ng yumaong ama na si The King Fernando Poe Jr., bago siya bumuto.

Samantala, si Senator Chiz Escudero ay maagang dumating sa polling center sa kaniyang home province sa Sorsogon para bumoto.

Kasama ni Escudero ang kaniyang maybahay na si Heart Evangelista.