29 pang pulis, gumaling sa COVID-19; Siyam naman ang bagong nagpositibo

May siyam na bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang sa araw ng Miyerkules (November 10), 42,047 na ang confirmed COVID-19 cases sa hanay ng pambansang pulisya.

Sa nasabing bilang, 261 ang aktibo pang kaso.

29 namang pulis ang gumaling sa nakakahawang sakit.

Dahil dito, 41,661 na ang total recoveries sa hanay ng PNP sa naturang sakit.

Wala namang bagong napaulat na nasawi sa PNP dahil sa COVID-19.

Bunsod nito, 125 pa rin ang COVID-19 related deaths sa pambansang pulisya.