Ikinasal na ang “Hashtag” member na si Nikko Natividad sa kaniyang long-term partner na si Cielo Eusebio.
Idinaos ang garden wedding ng couple sa Nasugbu, Batangas.
Sa Instagram, ibinahagi ni Nikko ang ilang larawan na kuha sa kanilang kasal.
“Hindi parin ako makapaniwala. Lumulutang ako sa saya. Masaya ako at ikaw ang napangasawa,” saad ni Nikko sa IG post.
Bumuhos naman ang pagbati sa dalawa mula sa kanilang pamilya, mga kaibigan at kasamahan sa showbiz industry.
Noong Agosto, inanunsiyo ng couple ang kanilang engagement sa pamamagitan ng YouTube vlog.
MOST READ
LATEST STORIES