Ibinunyag ng Palasyo ng Malakanyang na karamihan sa mga miyembro ng Inter-Agency Task Force (IATF) ang pabor na alisin na ang mandatory na paggamit ng face shield sa indoor na mga lugar.
Ito ay dahil sa patuloy na bumaba na ang kaso ng COVID-19 sa bansa.
Ayon kay Presidential Spokesman Harry Roque, marami sa mga miyembro ng IATF ang nagsasabing dapat nang itigil ang pagsusuot ng face shield.
Gayunman, sinabi ni Roque na sa ngayon, wala pang opisyal na desisyon ang IATF.
Sinabi naman ni Dr. Edsel Salvaña ng UP Manila-National Institute of Health (NIH), na maraming benepisyo ang pagsusuot ng face shield.
Una ay napo-protektahan aniya ang isang indibidwal sa virus.
MOST READ
LATEST STORIES