Libu-libong chance passenger na uuwi sa lalawigan para bumoto, dagsa sa bus terminals

Marami nang pasahero ang dumagsa ngayong umaga sa mga terminal ng bus para mag-baka sakali na makasakay pauwi sa kanilang lalawigan para makaboto sa Lunes, May 9, 2016.

Ayon sa isa sa mga pasahero na uuwi sa Leyte, alas 4:00 pa lamang ng umaga ay nasa Araneta Center Bus terminal na siya.

Sinubukan umano nilang magpa-reserve ng ticket sa bus pauwi sa probinsya noon pang April 26, pero fully-booked na ang biyahe ng mga bus.

Dahil dito, marami sa mga pasahero ngayon ang chance passenger na lamang.

Ayon sa mga dispatcher, makakasakay naman ang mga pasahero kung merong magkakansela sa mga nagpareserve ng ticket.