Bilang ng Filipino na nakatanggap ng PhilID card, nasa 2.2-M na

Nasa 2.2 milyong Filipino na ang nakatanggap ng Philippine identification card.

Sa Laging Handa Public Briefing, sinabi ni Philippine Statistics Authority (PSA) Assistant Secretary Rose Bautista na target ng kanilang hanay na mabigyan ng national ID ang 15 milyong katao.

Ayon kay Bautista, 43.2 milyong Filipino ang sumailalim sa step 1 ng pagpaparehistro ng national ID.

Sa naturang bilang, 34.99 milyon ang umabot na sa Step 2 o ang nakunan ng biometrics.

Maari aniyang magparehistro ang mga nagnanais na kumuha ng national ID sa register.philsys.gov.ph