Ang pagkakaisa na ng kanilang pamilya ang ikinatuwiran ni Narvacan Mayor Luis ‘Chavit’ Singson para bawiin ang kanyang kandidatura sa pagka-bise gobernador ng Ilocos Sur.
Kanina ay binawi na ni Singson ang inihain niyang certificate of candidacy (COC) na kanyang isinumite noong Oktubre 1.
Bunga nito, wala ng kalaban sa posisyon ang kanyang anak na si Ryan.
Kasabay nito, binawi naman na ni Patch Savellano-Singson ang kanyang COC para sa gobernadora para bigyan-daan si Jerry Singson, nakakabatang kapatid ni Chavit.
Sinabi ni Chavit na nagkaroon lamang ng miscommunication sa kanilang pamilya kayat nagkalituhan sa paghahain nila ng kani-kanilang COC.
Dagdag pa nito, panahon na para magkaisa ang kanilang pamilya na nasira ng pulitika.