1.3 milyong doses ng Moderna vaccines dumating sa bansa

Dumating na sa bansa ang mahigit 1.3 milyong doses ng Moderna COVID-19 vaccines.

Dumating ang mga bakuna pasado 4:00 ngayong hapon, October 9 sa Ninoy Aquino International Airport.

Nabatid na binili ng gobyerno at ng pribadong sektor ang mga bakuna.

Sa ngayon, aabot na sa 85 milyong doses ng bakuna ang nakukuha ng Pilipinas.

Aabot naman sa 22.8 milyong Filipino na ang fully vaccinated.