Nakumpleto na ng Department of Public Works and Highways (DPWH) ang road components upang mabuksan ang buong 1.48-kilometer Bonifacio Global City (BGC)-Ortigas Center Road Link Project.
Inaasahang mapapaiksi nito ang biyahe sa pagitan ng Bonifacio Global City at Ortigas Center nang 12 minuto.
Pinangunahan ni Pangulong Rodrigo Duterte ang inagurasyon ng P1.79-billion project, kasama sina DPWH Secretary Mark Villar, Executive Secretary Salvador Medialdea, Senator Christopher “Bong” Go, Finance Secretary Carlos Dominguez, Taguig City Mayor Lino Cayetano, at Pasig City Lone District Rep. Roman Romulo.
“With the opening of the entire BGC-Ortigas Road Link Project, we are seeing significant traffic decongestion, or as much as 20 percent traffic volume from nearby Epifanio delos Santos Avenue and C-5 Road sections,” pahayag ni Villar.
Sinimulan ang proyekto noong October 2017.
Sakop ng BGC-Ortigas Road Link Project ang rehabilitasyon at pagpapalawak ng 362-meter Brixton Street (corner Reliance Street) hanggang Fairlane Street.
“Through the efforts of our field workers and engineers who worked 24/7, rain or shine, we were able to finish the 2-lane viaduct component of the project this September. This segment now connects Lawton Avenue to the entrance of BGC at 8th Avenue through up and down ramps,” dagdag ng kalihim.
Bahagi ang naturang proyekto ng EDSA Decongestion Program na layong maibalik ang orihinal na kapasidad ng EDSA na 288,000 sasakyan kada araw.