P2-B Pasig River Rehab project ng SMC, pinuri ng environmental think tank

Pinuri ng isang environment think tank ang P2-billion Pasig River Rehabilitation Project ng San Miguel Corp. (SMC).

Ayon sa Pinoy Aksyon for Governance and the Environment (Pinoy Aksyon), ang proyekto na akma sa P95-billion Pasig River Expressway (PAREX) ay maari ring maging model ng green infrastructure na isa sa magpapalakas sa environmental rehabilitation.

Ang 19.37-kilometer hybrid expressway project sa kahabaan ng Pasig River ay isasagawa ng SMC sa ilalim ng public-private partnership program ng pamahalaan na itinuturing na kauna-unahang green hybrid highway sa bansa.

Idinagdag ng Pinoy Aksyon na mainam na inilagay sa harapan at sentro ang kalikasan sa naturang proyekto.