Pangulong Duterte, humingi ng pang-unawa sa health workers

Humingi ng pang-unawa si Pangulong Rodrigo Duterte sa mga health workers na nagrereklamo na dahil sa pagkaantala sa special risk allowance at iba pang benepisyo.

“Gusto ko ring ipaabot sa health workers na alam mo sa totoo lang, kung may pera lang talaga, hindi namin pigilan, ibigay namin lahat yan total anuhin namin ang pera sa kamay namin?,” pahayag ng Pangulo.

Pakiusap ng Pangulo, bigyan ng sapat na panahon ang pamahalaan.

Agad aniyang ibibigay ang mga benepisyo oras na makahanap na ng pera ang pamahalaan.

“Give us time to adjust the finances because we had to collate whatever was left or available under Bayanihan 1 and 2. Kaunting pag-unawa po kasi kung meron talaga, bakit hindi namin ibigay,” pahayag ng Pangulo.