Trabaho sa Manila City Hall, sinuspinde dahil sa #JolinaPH

Sinuspinde ni Manila Mayor Isko Moreno ang trabaho sa city hall sa araw ng Miyerkules, Setyembre 8.

Ito ay dahil sa patuloy na pananalasa ng bagyong Jolina.

Ayon kay Mayor Isko, simula 2:00 ng hapon, maari nang umuwi sa kani-kanilang tahanan ang mga empleyado.

Hindi naman kasama sa work suspension ang mga nagtatrabaho sa Manila Disaster Risk Reduction Management Office, Manila Development Social Welfare, Manila Health Department at ang mga tauhan sa anim na district hospital.

Pinapayuhan ni Mayor Isko ang publiko na mag-ingat.