LOOK: Lugar na #WalangPasok sa September 8 dahil sa Bagyong Jolina

(UPDATED) Nag-anunsiyo ng suspensyon sa pasok ang ilang lokal na pamahalaan sa bansa para sa araw ng Miyerkules, September 8.

Bunsod ito ng patuloy na pag-iral ng Severe Tropical Storm Jolina.

Sakop ng suspensyon ang trabaho sa pamahalaan at klase sa pampubliko at pribadong paaralan sa lahat ng antas sa mga sumusunod na lugar:
– Quezon province
– Laguna
– Malolos, Bulacan
– Batangas

Sa severe weather bulletin bandang 8:00 ng gabi, napanatili ng bagyo ang lakas nito habang kumikilos sa Sibuyan Sea.

Sinabi ng PAGASA na maaring mag-landfall o dumaan ng sentro ng bagyo malapit sa Bondoc Peninsula-Marinduque area sa Miyerkules ng umaga.

I-refresh ang page na ito para sa pinakahuling update.