245 pang pulis, naka-recover na sa COVID-19

Nasa 165 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang sa araw ng Miyerkules (September 1), 34,774 na ang confirmed COVID-19 cases sa hanay ng pambansang pulisya.

Sa nasabing bilang, 2,020 ang aktibo pang kaso.

245 namang pulis ang gumaling sa nakakahawang sakit.

Dahil dito, 32,650 na ang total recoveries sa hanay ng PNP sa naturang sakit.

Wala namang bagong napaulat na nasawi sa PNP dahil sa COVID-19.

Bunsod nito. 104 pa rin ang COVID-19 related deaths sa pambansang pulisya.