14 patay sa bumaligtad na truck sa China

Nasawi ang labing apat na katao matapos bumaligtad ang isang truck na may kargang mga bato sa China.

Naganap ang insidente sa southern province ng Guizhou, kung saan nawalan umano ng preno ang truck kaya bumaligtad ito at tumapon ang mga kargang bato sa isang activity center na puno ng mga tao.

Sa nasabing lugar gaganapin ang three-day May Day holiday activity simula bukas kaya may mga tao sa lugar na nag-aayos ng venue nang maganap ang aksidente.

Ayon sa mga otoridad, dahil sa mga kahalintulad na aksidente, patuloy ang kanilang paghihigpit sa mga overloaded na sasakyan.

Binabantayan din ang mga sasakyan hindi gaanong nasusuri bago ibiyahe at ang mga driver na nakainom.