Pumanaw na ang komedyanteng si Noeme Tesorero o mas kilala bilang si Mahal.
Kinumpirma ito ng kaniyang kapatid na si Irene Tesorero sa Facebook.
Nag-post din sa social media ang kapwa-komedyante at malapit na kaibigan na si Brenda Mage kung saan ibinahagi nito ang pagmamahal at paghanga kay Mahal.
“Bago ka nawala nakagawa ka pa ng napakabuting gawain sa partner mong si Mura…ang dami dami mong napasaya sa napaka genuine mong pagkatao Mahal ka ng lahat… Mahal ka namin MAHAL…. pahinga na aming Munting MAHAL….. NOEMI TESORERO MAY YOU REST IN PEACE 🙏🙏🙏🙏,” saad nito.
Hindi naman nabanggit kung ano ang naging dahilan ng pagpanaw ni Mahal.
Nakilala si Mahal sa mga ginampanang role sa pelikulang “Kokey” noong 1997 at iba pa.