219 pang pulis, nagpositibo sa COVID-19

Nasa 219 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang sa araw ng Martes (August 31), 34,625 na ang confirmed COVID-19 cases sa hanay ng pambansang pulisya.

Sa nasabing bilang, 2,100 ang aktibo pang kaso.

94 namang pulis ang gumaling sa nakakahawang sakit.

Dahil dito, 32,421 na ang total recoveries sa hanay ng PNP sa naturang sakit.

Wala namang bagong napaulat na nasawi sa PNP dahil sa COVID-19.

Bunsod nito. 104 pa rin ang COVID-19 related deaths sa pambansang pulisya.