Miyembro ng Philippine Dragon Boat Team, nawala sa kasagsagan ng training

Nawala ang isang miyembro ng Philippine Dragon Boat Team matapos mahulog sa bangka habang nasa kasagsagan ng kanilang training sa Manila Bay.

Ayon sa ulat, tumaob ang sinasakyang bangka ng dalawampu’t dalawang rowers ng Dragon Boat Team habang nagpa-practice malapit sa Manila Yacht Club.

Nakaligtas ang 21 sa kanila pero nawawala pa ang isa. Nagsasagawa na ng search and rescue operations ang mga tauhan ng Philippine Coast Guard (PCG) para mahagilap ang nawawalang rower.