Senator Bongbong Marcos, nakiramay sa pagpanaw ni dating Chief Justice Corona

Nakiramay si Senator BongBong Marcos sa pamilya ng yumaong si dating Chief Justice Renato Corona.

Sa kanyang pahayag, sinabi ni Marcos na siya ay nalulungkot sa pagkamatay ni Corona na ayon sa kanya ay dumanas ng sobrang injustice.

Dagdag pa ni Marcos, isang malinaw na selective justice ang nangyari kay Corona at kanyang pinapanalanagin na ang pagpanaw ni Corona ay magdala sa kanya ng lubusang kapayapaan mula sa naranasan niyang mga problema.

Ipinaabot ni Marcos ang pakikiramay mula sa kanyang asawa, mga anak at sa kanyang buong pamilya sa mga naiwang mga mahal sa buhay ni Corona.