Pumanaw na si retired Supreme Court associate justice Priscilla Baltazar-Padilla sa edad na 63.
Base sa pahayag ng Supreme Court, pumanaw si Baltazar-Padilla kahapon, August 27.
Hindi naman tinukoy ng SC kung ano ang sanhi ng pagpanaw ni Baltazar-Padilla.
Si Baltazar-Padilla ang ika-188th Associate Justice ng SC.
Tatlong buwan lamang na nanungkulan si Baltazar-Padilla matapos mag avail ng early retirement dahil sa physical disability.
Nagtapos si Baltazar-Padilla bilang magna cum laude sa Lyceum College of Law at nasa ika-limang puwesto sa 1984 Bar Exams.
Taong 2006, naitalaga si Baltazar-Padilla sa Court of Appeals at nagsilbing chairperson ng Eleventh Division.
MOST READ
LATEST STORIES