DOH muling nagpaalala sa publiko kontra Zika

Pinag-iingat ng Department of Health (DOH) ang publiko at pinayuhan na manatiling mapag-matyag laban sa Zika virus.

Ito ay matapos makumpirma ng kagawaran na isang 20-anyos na Korean ang nagkasakit at nag-positibo sa Zika makaraang bumisita saglit sa Pilipinas.

Ayon kay Health Sec. Janette Garin, habang kinukumpirma pa nila kung dito nga talaga nakuha ng dayuhan ang sakit, lalong lumakas ang paniniwala na mayroon na nga talagang Zika virus dito sa bansa.

Sa ulat ng Korea Times, nakagat umano ng lamok ang Koreano noong April 13 bago siya umalis sa Boracay.

Sumailalim na rin sa Zika test ang kapatid nitong kasama niya sa bakasyon bagaman hindi naman siya nakagat ng lamok.