Storage area ng FDA sa Muntinlupa nasunog

Tinupok ng apoy ang storage area ng Food and Drug Administration  sa Filinvest Corporate City, Alabang, Muntinlupa City.

Ayon sa Bureau of Fire Protection, nagsimula ang sunog bandang 7:35 kagabi at umabot sa unang alarma.

Naideklarang fire under control bandang 7:55 bago tuluyang naging fire out ng 8:08 ng gabi.

Ayon sa BFP, nasunog ang one-storey Feed Storage Room ng FDA.

Wala namang naiulat na nasugatan o nasawi sa insidente.

Sa inisyal na imbestigasyon ng BFP, ang feed dryer machine ang naging sanhi ng sunog.

Tinatayang aabot sa P100,000 halaga ng ari-arian ang nasunog.