Bilang ng enrollees para sa S.Y. 2021-2022, umabot sa 4.7-M

Umabot sa 4.7 milyon ang bilang ng mga estudyante na nag-enroll para sa School Year 2021-2022.

Base sa inilabas na datos ng Department of Education (DepEd) sa araw ng Martes, August 17, nasa 4,777,942 ang total enrollment sa Kindergarten hanggang Grade 12 sa mga pampubliko at pribadong paaralan sa buong bansa.

Kombinasyon ang naturang datos ng early registrations at LIS – quick counts.

Pinakamaraming naitalang papasok na estudyante sa Region 4-A na may 533,722 enrollees.

Sumunod dito ang Region 7 na may 411,772 enrollees, at Region 6 na may 399,130 enrollees.

Nagsimula ang enrollment noong August 16 at magpapatuloy hanggang sa pagbubukas ng klase sa September 13, 2021.