35 Filipino mula Afghanistan, nakauwi na ng Pilipinas

Nakauwi na ng Pilipinas ang 35 Filipinos mula sa Afghanistan na na-evacuate ng kani-kanilang kumpanya sa Doha, Qatar.

Sa situation bulletin ng Department of Foreign Affairs (DFA) bandang 4:00 ng hapon, naisama ang 35 Filipinos sa charterted plane ng kagawaran mula Doha patungong Maynila.

Nakarating ng Ninoy Aquino International Airport (NAIA) Terminal 1 ang grupo sa araw ng Martes, August 17.

Ito ang unang batch ng na-repatriate na Filipino mula sa Afghanistan.

Sa ngayon, nakataas pa rin ang DFA sa Alert Level 4 o Mandatory Repatriation sa Afghanistan.