Lalaki patay sa sunog sa Valenzuela City

Patay ang isang lalaki matapos masunog ang pabrika sa Brgy. Paso de Blas, Valenzuela City.

Ayon sa Bureau of Fire Protection, nagsimula ang sunog pasado 4:00 kaninang umaga sa Gilvan Packaging Corporation.

Nabatid na pagawaan ng packaging materials ang nasunog na pabrika.

Umabot sa ikatlong alarma ang sunog matapos mabilis na kumalat ang apoy.

Inaalam pa ng BFP ang pagkakakilanlan ng nasawing lalaki.

Hindi pa matukoy ang sanhi ng sunog at kung magkanong halaga ng mga ari-arian ang nasunog.