‘Kusina’ ng drug users sa Maynila sinalakay ng PDEA, pito timbog

Nagsanib puwersa ang PDEA at Manila Police District sa pagsalakay sa isang drug den sa Paco, Maynila at nagresulta ito sa pagkaka-aresto sa pitong katao.

 

Kinilala ang mga naaresto na sina Manolito Reyes alias Bakal, ang maintainer ng drug den; Narissa dela Pena, Ramon Ladronio, Hesus Manolo, Mario Ladronio, Eduardo Almiral at Romeo Sunga.

 

Sa ulat, alas-2:15 ng hapon nang salakayin ang drug den sa Paz street sa Barangay 684.

 

Nakumpiska sa kanila ang 20 gramo ng shabu at shabu paraphernalia.

 

Sasampahan sila ng mga kasong paglabag sa Comprehensive Dangerous Drugs Act of 2002.