Dalawang linggong ECQ sa Metro Manila nagsimula

Epektibo na ngayong araw ang dalawang linggong enhanced community quarantine sa Metro Manila.

Ipinatupad ang lockdown sa Metro Manila dahil sa tumataas na naman ang kaso ng COVID-19 variant lalo na ang Delta variant.

Sa boundary ng Cavite at Las Pinas, pahirapan na ang mga motorista sa pagdaan sa mga checkpoint.

Mahaba rin ang pila ng mga sasakyan sa boundary ng Montalban papasok ng Metro Manila.

Dahil nasa ECQ ang Metro Manila, tanging ang mga authorized persons outside residence ang pinapayagan na makatawid sa ibang siyudad.