Ilang araw bago ipatupad ang enhanced community quarantine sa Metro Manila, dinumog ng mga tao ang iba’t-ibang vaccination sites sa Maynila.
Hatinggabi pa lamang kasi nakapila na ang mga magpapabakuna.
Sa SM San Lazaro, kinansela na ang pagbabakuna ngayong araw matapos dagsain ng mga tao.
Mismong ang pamunuan na ng SM San Lazaro na ang humiling sa lokal ng pamahalaan ng Maynila na kanselahin ang pagbabakuna para na rin sa kaligtasan ng publiko.
Isasagawa sana ngayong araw ang pagbabakuna sa apat na malls sa Maynila.
Ito ay ang Robinsons Place Manila, SM Manila, Lucky Chinatown at SM San Lazaro.
Tig 2,500 doses ng bakuna ang inilaan para sa mga A1 hanggang A5 na priority list.
MOST READ
LATEST STORIES