Pop star Rihanna bilyonaryo na ayon sa Forbes magazine

Opisyal nang bilyonaryo ang sikat na Pop star na si Rihanna.

Ito ay matapos iulat ng Forbes magazine na pumalo na sa $1.7 bilyon ang net worth ni Rihanna.

Dahil dito, si Rihanna ang itinanghal na kauna-unahang richest woman musician sa buong mundo.

Pero ayon sa Forbes, hindi ang musika ni Rihanna ang pangunahing dahilan kung kaya naging bilyonaryo ito.

Nabatid na kalahati ng yaman ni Rihanna I Robyn Fenty ay galing sa kanyang Fenty Beauty cosmetics line.

Sa ngayon, nasa ikalawang puwesto si Rihanna sa richest female entertainer sa buong mundo kasunod ng sikat na host na si Oprah Winfrey.