Pinay boxer na si Nesthy Petecio pasok na sa finals, gintong medalya malapit na

Isang panalo na lang at masusungkit na ng Pinay boxer na si Nesthy Petecio ang gintong medalya sa Tokyo Olympics.

Ito ay matapos talunin ni Petecio ang mas malaki at mas matangkad na kalaban ng Italy na si Irma Testa sa women’s featherweight class sa Kokugikan Arena.

Nabatid na nagpakiramdaman pa ang dalawang boksingero sa unang round.

Gayunman, mas naging agresibo si Petecio sa ikalawa at ikatlong round dahilan para talunin si Testa.

Split decision ang pasya ng mga judges pabor kay Petecio.