Pababayaan na lamang ng Palasyo ng Malakanyang si Senador Manny Pacquiao na mag-presenta ng mga ebidensya kaugnay sa umanoý korupsyon sa pamahalaan.
Ayon kay Presidential Spokesman Harry Roque, isang malayang bansa ang Pilipinas at maaring gawin ni Pacquiao ang mga nais na gawin.
Una rito, sinabi ni Pacquiao isisiwalat niya ang mga ebidensya kapag nakauwi na sa bansa sa Agosto.
Nasa Amerika ngayon si Pacquiao at abala sa pagsasanay para sa nalalapit na laban sa boksingering si Errol Spence sa Agosto 21 sa Las Vegas, Nevada.
“Well, pabayaan po natin si Senator Pacquiao kung anong gusto niyang isiwalat ‘no. It’s a free country. Pero sa ngayon po kaisa nila kami, kaisa niya ang buong sambayanang Pilipino in wishing him good luck sa padating na laban niya,” pahayag ni Roque.