30 bahay sa Maynila, tinupok ng apoy

Tinupok ng apoy ang may 30 bahay sa Dagonoy, San Andres Bukid, Manila.

Ayon kay Fire Inspector Ernesto Wanawan Jr. ng Bureau of Fire Protection Sta. Ana Manila station, nagsimula ang sunog bandang 12:30 ng tanghali.

Itinaas sa ikatlong alarma ang sunog bandang 12:55 ng tanghali at naideklarang fire out ng 1:45 ng hapon.

Sa inisyal na pagsisiyasat ng BFP, nagsimula ang sunog sa tahanan ni Marites Buco.

Tinatayang nasa P100,000 na halaga ng mga ari-arian ang natupok ng apoy.