Palasyo, idineklara ang July 20 bilang regular holiday para sa Eid’l Adha

Idineklara ng Palasyo ng Malakanyang ang July 20 bilang isang regular holiday.

Ito ay kasunod ng paggunita ng Eid’l Adha o Feast of Sacrifice.

Nakasaad sa Proclamation no. 1189 na ang deklarasyon ay base sa naging rekomendasyon ng National Commission on Muslim Filipinos.

Hinikayat ang publiko na makiisa sa mga Muslim sa paggunita ng Eid’l Adha.

Ngunit, kailangan pa rin anilang masunod ang mga panuntunan hinggil sa quarantine at social distancing laban sa COVID-19.